<<<FIN GHADI BYA KHOUYA>>>

Voir le sujet précédent Voir le sujet suivant Aller en bas

<<<FIN GHADI BYA KHOUYA>>>

Message  abdeldecasa le Mer 24 Oct - 13:45

يا من هو بَازْ فْ لَقفازْ
يا من هو فروج عل الكَنْدْرَة ونشر جناحه
يا من هو تِلِّيسْ اعطى ظهرو لَتَّغـْـرَازْ
عمرني ما ريت لغزال تمشي بَلْمْهْمَازْ
وفراخ الخيل عَادُوا سْرَاحُوا
عمرني ما ريت النخلة تعطي حب الْغـَازْ
بعد الثمر وُتَبْلاَحُهْ
يا من هو ديب فْ لْغـْيَابْ كْثَرْ صْيَاحُه
أليام أليام يَا بَتِّي مَالْكْ عُوْجَا
واش من سباب عْرْجْتِي لِي بِهْ
تَارَة تسقني حليب . . .
تَارَة تسقني حَدْجَة كِي مُولَى هِيهْ
صَدَّقْ حتى عيا وگالوا راها فيه تبقى فيه
أنا گاع بنادم نبغيه . . . وظانه مثله يبغيني
كيف نبغي نگول عليه . . .
اللي فَ خْلاَگِي مَا يْخْلِّينِي
* * * *
فين غادي بياخويــــا فين غايدي بيـــــــــــا
دقة تابعة دقــــــــــــة شكون يحد البــــــاس
لا تلومونا ف الغربـة يا هـــــــاد النــــــاس
لا تلومونا ف الغربـة وُليعـــــــة الغربــــــة
لا تكذبوا عَلْ الرُّومِيَّة مــــا هـــي نـَشـْبَـــــة
أنا ما نسيت البنديـــر أنا ما نسيت القصبــة
أنا ما نسيت الموسـم والخيل سربة سربــة
أنا ما نسيت الگــُــورْ ولا مجمع الطلبـــــــة
أنا ما نسيت دواري يــا بــلاد القصبــــــة
أنا ما نسيت لعشيـرة ولا گمـــــح الرحبـــة
أنا ما نسيت حياتـــي يــــا نـــاس المحبـــة
أنا ما نسيت ناســــي خَايْتْ هَدِي نَكْبَــــــــة
* * * *
فين غادي بياخويــــا فين غايدي بيـــــــــــا
ما هْمْنِي وْلاَ رَشَّانـِي غير فراق الصحبــــة
ما همني ولا رشانـي لا مــــــا للتربـــــــة
ما همني ولا رشانـي لا صابـــة لا غـُمْـــرَة
ما همني ولا رشانـي شمسنا ضَوْهَا جمـرة
ما همني ولا رشانـي لا نجوم لا گمــــــــرة
ما همني ولا رشانـي وَيَا لِيعْةْ القـُــــــــدْرَة
فين غادي بياخويــــا فين غايدي بيـــــــــــا
* * * *
بين قـَلبِي الوَگـــَــــاد بين حيرة وُ عـْنـَـــادْ
بين قرب ولبعــــــــاد يــــا كيـــة لَخـْـــلاَگ
بين نار و لرمــــــــاد وعذاب الولفــــــــــة
وتنكاد الضميــــــــــر ضْمِيــــِري بَالْوَلْفـَــة
فين غادي بيا خويــا فيــــن غــَـادِي بـِيـَّــا

abdeldecasa

Nombre de messages : 364
Date d'inscription : 17/10/2007

Voir le profil de l'utilisateur

Revenir en haut Aller en bas

Voir le sujet précédent Voir le sujet suivant Revenir en haut


 
Permission de ce forum:
Vous ne pouvez pas répondre aux sujets dans ce forum